Antolatzaileek www.concursorecetasfagor.com webgunea ireki dute, interesatuek bertara igo ditzaten errezetak.
Publiko orokorrari zuzendutako lehiaketak otsailetik azarora arte iraungo du. Hilero irabazle bat aukeratuko da eta 1.000 euroko saria jasoko du horrek. Parte hartzeko, esandako webgunean alta hartu behar du norberak, eta errezetak igo. Horiek Facebook-en argitaratuko dituzte gero. Errezetak osasuna bereziki zaintzea edo osagai osasungarriak erabiltzea kontuan hartuko da. Hileko irabazlea epaimahai profesional batek aukeratuko du boto gehien jaso dituzten hiru errezeten artean.
Bestetik, Espainia osoko ostalaritza eta jatetxegintza ikasleek otsailetik maiatzera arte parte hartu ahal izango dute, eta bakarrak irabazi ahalko du errezeta onenaren saria: hurrengo ikasturterako beka. Ikasleek ere webgunera igo beharko dituzte errezetak, eta jarraitzaileek gehien bozkatutako sei errezetak izango dira finalistak. Basque Culinary Centerrek aukeratuko du irabazlea.