Sistema eragile, euskarri eta webgune zein sare sozialetan malware-ak 2012an izandako hazkundea nabaria izan dela dio txostenak eta, batez ere, Android sistema eragilean igo dira erasoak, zehazki, %2577. Hala ere, mugikorretik software txarraren %0.5 soilik sartzen ei da Ciscoren arabera. Guztia baina, ez da hazkundea izan. Spam bolumena orokorrean %18 txikitu da. Estatu Batuak dira malware gehien duten herrialdean (%33,14) eta ondoren daude %10aren bueltan Errusia, Danimarka eta Suedia. Txina, azken urteetan malware-aren sailkapenetan goiko lekuetan egondakoa, bigarren postutik seigarrenera jaitsi da 2011tik 2012ra bitartean.
Gazteentzat, pribatutasun ez ei da ardura
Txostenak luze eta zabal dihardu erabiltzaileen ohitura eta jarreren artean. Pribatutasuna da aztertzen den alor nagusietako bat eta kontsultatutako langile gazteen %91k uste du amaitu dela pribatutasunaren aroa eta horietatik %57ri ez die ardura euren informazio pribatua hirugarrenen esku egotea.