Z10 modeloa (kolore zurian) pantaila ukigarriduna da eta Q10-ak Blackberryren ikur bilakatu den teklatua dauka, 3,1 hazbeteko eta 320 pixeleko erresoluziodun pantailarekin. Z10a da baina apustu nagusia, pantaila ukigarria duen modeloa. 4,2 hazbeteko pantailarekin eta eta 1280x768 pixeleko erresoluzioarekin, 1,5 GHz-ko nukleoa dauka eta 2 GBko RAMa.
Blackberryren indargunea beti izan da teklatua eta idazterako orduan ematen dituen erraztasunak. Horrela, Blackberry 10 sorta berrian erabiltzailea idazten dabilen hitza iragartzeko azkartasuna areagotu dute, "tekleatu barik" idazteko, eurek dioten bezala. Bestelako funtzionalitate interesgarriak ere badakartza sorta berriak. Izan ere, telefono berean lanerako eta bizitza pertsonalerako bi profil erabat banatu edukitzeko modua ere errazten da eta elkarren artean erraz alda daiteke. Bideo-deiak ere etorriko dira serie berriarekin Blackberry Messenger aplikazioaren barruan.