Urriaren 12, 13 eta 14an izango dira bi mendi irteerok. Bergarako Pol-Pol Mendizale Taldeak eta Gorla Alpinok Leonera joango dira. Hain justu ere, San Isidro inguruko mendietara. Autobusa urriaren 12an, egubakoitzean, goizeko 5etan aterako da Udal Pilotaleku aurretik. Bidaiarako txartelak Pol-Poleko bulegoan eskura daitezke. Pol-Poletik adierazi dutenez, "irteerak ez du aparteko zailtasunik".
Besaidekoak Picos de Europara
Besaidekoek, berriz, hala antolatu dute zubia –behean–. Urriaren 12an, goizeko 06:00etan abiatuko dira autbusez –Garibaiko geltokian– eta gauak pentsio erdian igaroko dituzte, mendiko aterpetxeetan. Norberak eraman beharko ditu 3 egunetarako bazkariak. Izen emateak: Urriak 3 eta 4, 19:30-20:30 bitartean, Besaide elkartean (Telf. 943773066).
- Urriak 12: Espinama - Aliva aterpetxea (1667m).
- Urriak 13: Aliva aterpetxea - Collado Jermoso aterpetxea (2064m).
- Urriak 14: Collado Jermoso aterpetxea - Fuente De.