Ekainaren 25etik aurrera, 10 KZgunetan GPS mailegua erabilgarri dago. Gipuzkoan, besteak beste, Arrasate, Tolosan eta Donostian daude eskuragarri. Arrasaten dena den, San Juan jaiak medio, gaur jarri da ekimena martxan.
Ekimena
Kirol Zuzendaritzak motordunak ez diren kirol ibiltarietan eraginez jarduera fisikoa areagotzeko eta hobetzeko bultzatzen du ekimen hau. Ekintza hau Jarduera Fisikoaren Planean (Aktibili) sartutakoen bat da. Taldeko lanean oinarritutako doako zerbitzu publiko jasangarri honen bidez, honakoa egin daiteke:
- Kirol praktikan dauden ohitura berrien eskaerei erantzutea.
- Praktika eta kirolaren eremuei erantzutea baliabide bakar bat erabiliz.
- Kirola, gizartea hobetzeko beste helburu batzuk lortzeko bide moduan erabili dezaten erraztea.
Nola funtzionatzen duen
Ibilbideak-en ondoko jarduerak bildu dira: ibili, mendi lasterketak, errepideko txirrindularitza, mendi txirrindularitza, hipika, itsuak, igeriketa, parapentea, patinajea, arraunketa...
Oso era grafiko eta errazean zenbait eremu interesgarriko ibilbideak eta jardueren gertaerak aurki ditzakegu fitxa batean, baita beste pertsona batzuek ibilbide horri buruz egindako balorazioak, iradokizunak edo ekarpenak.
Dagoeneko, 20 kirol ezberdinetako 700 ibilbide baino gehiago igo dira webgunera eta 500 pertsona edo entitate baino gehiagok eman dute izena.
Erabiltzaileak
Zerbitzu hau erabiltzeko, beharrezkoa da KZgunean erregistratuta egotea eta zigorrik ez izatea mailegu-araudia urratzeagatik.
Zerbitzuaz baliatzeko, erabilera baldintzak onartzen dituela hitz ematen duen adostazun-agiri bat sinatu behar du erabiltzaileak, zeinean datu pertsonalak idatzi behar dituen.
Erabiltzaileak 18 urteak beteak izan behar dituzte. Adingabeen kasuan, haien guraso batek edo legezko tutore batek lagunduta etorri beharko dute, eta guraso edo tutore horrek sinatu behar du adostasun-agiria.
Iraupena eta berritzea
Mailegua zazpi egunerako da, gehienez, baina beste zazpi egunerako berritu daiteke. Berritzeko eskariak KZgunean bertan edo posta elektronikoz egin behar dira.
GPSa itzultzea, galtzea edo hondatzea
GPS irakurgailua eta haren tresna osagarriak berandu itzultzen badira, zigor bat jarriko zaio erabiltzaileari eta ezingo du zerbitzua erabili berandutu den adineko epe proportzional batean. Berandutzen den egun bakoitzeko aste beteko zigorra jasoko du.
Mailegua egin den KZgune berean itzuiliko da. Gailua galdu, apurtu, ebatsi edo hondatzen bada, haren ordez beste gailu berri bat, berdina, jarri beharko du erabiltzaileak.
Ordutegia
Astelehenetik ostiralera goizeko 09:00etatik 13:00etara eta arratsaldez, 16:00etatik 20:00etara. Arrasateko KZgunea KulturAteko 3.solairuan dago.