Udalek, bakarka edo taldeka, 92 dirulaguntza eskaera egin dituzte eta, denen artean, 365.000 euroko dirulaguntzak jaso dituzte. Herritarrek sortutako erakundeek 11 eskaera aurkeztu dituzte, eta 125.000 euro lortu dituzte.
Arantza Ruiz de Larrinaga Herritarren Partaidetzarako zuzendariak balorazio ona egin du: "Kontuan izan behar dugu bai zuzendaritza bai diru laguntzak berriak direla. Momentu honetan, Gipuzkoan, ehunetik gora prozesu daude martxan herritarren parte-hartzea bultzatzeko: 88 udal ditugula kontuan hartuta, oso datu esanguratsua da eta garrantzitsua".
Gipuzkoako Foru Aldundiak landu nahi dituen ardatz nagusietako bat da parte-hartzearena: "Gipuzkoako herritarrengana demokrazia zabaltzea, Gipuzkoako instituzioak irekitzea eta, horretarako, herritarren parte-hartzea instituzioetan bermatzea", esan du Foru Aldundiak.