Hala, joan den maiatzean, kipularen prezioa %845 aldiz handiagoa izan zen dendan ekoizpen-lekuan baino; alkatxofarena, %726 aldiz handiagoa; azarena, %647 aldiz handiagoa; madariarena, %569 aldiz handiagoa…
Egunero-egunero kontsumitzen diren produktuak ere ez dira hortik kanpo geratzen: patataren prezioa %500 handiagoa izan zen; behi-esnearena, %161; oilaskoarena, %132; txahal-okelarena, %327…
Indize hori, IPOD izenekoa, COAGek, Nekazal-erakundeen koordinakundeak, UCE eta Ceaccu kontsumitzaileen elkarteekin batera egindakoa da. Batez beste, nekazaritzako produktuen prezioa 4,84 aldiz puztu zen maiatzean baserritik saltokira bidean, eta abeltzaintzako produktuena, 3 aldiz.
Prezio soilei begiratuta ere argi geratzen da produktua ekoiztea kostatzen dena baino zenbat gehiago ordaintzen duen kontsumitzaileak: kipula kiloa 0,11 euro kostatzen zen ekoizpen-lekuan, eta 1,04, saltokian; txahal-okela kiloa, 3,91 euro baserrian eta 16,68 euro saltokian.
Dieta osasuntsua izatea gero eta zailagoa da, neurriz kanpoko prezioen erruz. Eta prezio horren zati handiena baserritik kontsumitzailearengana joateko bidean hartzen du produktuak. Nekazal-erakundeen koordinakundeak, COAGek, egindako txosten baten arabera, nekazaritzako produktuak ia 5 aldiz garestiagoak ziren dendan baserrian baino.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak