Horrez gain, udal zergetan aldaketak sartzeko Foru Arau Proiektuari buruzko informazioa eskainiko du Gipuzkoako Ogasun eta Finantza Departamenduak. Alkateek bestelako zalantzak eta ekarpenak egiteko aukera ere izango dute.
2012ko otsailaren 17an alkateekin egindako bileran hartutako konpromisoari erantzuten dio datorren asteko bilerak: hilabete batzuetan zerga-bilketaren joera ikusi eta horren inguruko informazioa zuzenean helaraztea.
Bestalde, Lurralde Finantza Kontseiluaren deialdia gauzatzeko eskaeraren tramite formala bete denez, Foru Aldundiak organo hori deitzeko erabakia hartu du dagoeneko, indarrean dagoen araudiari jarraituz. Beraz, epe barruan eta dagokion eran deituko du bilera hori. Hala ere, alkateekin bilerak egiten jarraituko du Aldundiak, udalak ondo informatuta edukitzeko guztiekin elkarlanean jardun nahi duelako.