Joan den apirilean, Breeam ES ziurtagiriak LKS onartu zuen bere lantaldeko formazio-erakunde gisa. Horren bitartez, ziurtagiriaren metodologia eta tresnak erakusteko baimena jaso zuen.
LKS-k Breeam ziurtagiria erabiltzen duten hainbat proiektutan lan egin du; besteak beste, Gasteizko Buesa Arena pabilioian egin duen lanari esker, eraikin horrek Oso Ona kalifikazioa lortu du, eta Bikain kalifikazioa du helburu.
Hamar ikuspuntuko balorazioa
Munduan, eraikuntza iraunkorra ebaluatzen eta aitortzen duen ziurtagiri liderra da Breeam. Eraikuntza iraunkorraren merkatuan 20 urtetik gorako ibilbidean, 200.000 proiektutik gora egin ditu eta 4.700 aholkulari inguruko sarea dauka.
10 kategoria ebaluatzen ditu eraikin baten iraunkortasuna ziurtatzeko: kudeaketa, osasuna eta ongizatea, energia, garraioa, ura, materialak, hondakinak, lurra modu ekologikoan erabiltzea, kutsadura eta berrikuntza.