Mondragon Unibertsitateak ate irekien saio berritzailea antolatu du hilaren 29rako: Oñatiko Enpresagintzan egingo da eta 'MUtelebistak' zuzenean botako du Internet bidez. Beraz, MUn ikasketak egin gura dituen edonork etxetik edo beste edozein tokitatik jarraitu ahal izango ditu ordubetez Oñatiko fakultatean emango dituzten azalpenak.
Azalpenak jarraitu nahiz galderak eginez parte hartu gura dutenek www.mondragon.edu webgunean sartu eta MUtelebista atala klikatu beharko dute.
Ate irekien jardunaldi berritzaile horrek bi zati izango ditu: lehenengoan, Jon Altuna errektoreordeak eta Ingeniaritza, Enpresagintza eta Hezkuntza Zientzien fakultateetako koordinatzaileek esku hartuko dute; bigarren zatian, sare sozialen edo chat-aren bidez egindako galderak erantzungo dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.