Puntu batetik besterako denboraren kalkulua orain arte zirkulazio aintzat hartu barik egin izan du Google Mapsek, baina aurrerantzean aukera hori gaituta daukanak zirkulazioaren egoera kontuan hartuko duen kalkulua ere jasoko du eta aplikazioak berak proposatuko dizkio denbora aurrezteko ala auto gutxiago aurkitzeko ibilbideak zeintzuk izan daitezkeen. Horrela, ibilbiderik azkarrena ez da beti kilometro gutxien dituena izango.
Apple ere mapekin lanean
Orain arte Googlen mapa sistema izan da erabiliena bai Interneten zein aplikazio ezberdinetarako. Applek ere horixe erabiltzen du, baina zurrumurruek diote sistema eragile berriarekin batera, iOS 6 izango dena, bere mapak aurkeztuko dituela, iOSrako bereziak.