Operadoreen WhatsApp gaitzizena ipini diote Joyn zerbitzuari eta hain zuzen doako mezularitza aplikazio ezagunak jandakoa berreskuratzeko helburuarekin dator Joyn, zerbitzu berriak gehituta. Komunikazioetan beste maila bat da, RCS-e estandardean oinarritua, operadore eta terminal guztiekin bateragarria dena eta hortaz, sare hori erabiltzeko ez legoke zertan smartphone bat erabili, telefono arruntekin ere ibiliko litzatekeelako. Mezularitza bai eta baita bideo-konferentzia, fitxategien trukea eta aplikazioak izango ditu zerbitzu berriak, besteak beste.
Espainiakoa izan da lehen estatua eta Vodafone zerbitzua estreinatu duena Androida darabilten terminalekin. Movistarrek dagoeneko probatan dihardu eta bezeroek aurki erabili ahalko dute Joyn. Orange apirilean da zerbitzua eskaintzen hastekoa. Telefono frabikatzaileei dagokienez, Joyn-en bultzatzaileek iragarri dute hitzarmenak sinatu dituztela HTC, Huawei, LG, Nokia, RIM, Samsung, Sony eta ZTE enpresekin eta espero da urte amaierarako zerbitzua integratuta dakarten 40 modelo egotea merkatuan.