Hasi eta berehala, hilabete gutxi batzutan, Facebook ala Twitter moduko erraldoiek horretarako askoz ere denbora gehiago behar izan zuten erabiltzaile kopurua lortu zuen Gooogle+ sareak. Hasiera bateko berehalako erreazkioa ezin hobea izan zen, ia marka guztiak hautsita.
Hasierako entusiasmo hori baina, harrera onarekin batera, lausotzen joan da denboran eta ComScore erakundeak emandako azken datuek ez dute itxura onik, hilabetean bataz beste hiru minutu besterik ez baitituzte egiten Google Plusen erabiltzaileek. Denbora hori huskeria da konparatzen badugu Facebooken erabiltzaileek bataz beste 7 ordu egiten dituztela hilabetean. Porrotari dioten beldurra gainera agerikoa da, Estatu Batuetan telebista iragarkien bitartez hasi baitira Gooigle + promozionatzen.
Ireki zutenetik denbora nahikoa igaro da eta kuriositatez erabiltzen hasi ziren askok laga egin diote, kontua abandonatuz. Hasierako zabaldundea oso handia izan zen baina gaur egun erabiltzaile askok kontuak geldi dauzkatela. Hala ete guztiz ere, erabilpen denbora baino erabiltzaileok Google Plus zertarako erabiltzen duten ere aztertu beharko lukete Google-en ze oso argi ez dagoena da zehazki zer behar ala hutsune betetzera datorren; eta zalantza horretan aditu guztiek egiten dute bat. Google Plusek Facebook eta Twitterren lekua hartu gura du eta ez haien osagarri izan; Pinterest, Foursquare ala Instagram izan daitezkeen moduan. Kontaktuak zirkuluetan antolatzeko ideia txalotua izan zen baina bistakoa da horrek ez dituela erabiltzaileak ekarriko. Google-etik hala, ere, temati jarraitzen dute eta euren gainontzeko produktu guztietan intergatu dute baina momentuz erantzuna ez da positiboa izan.