Mugikorrentzat aplikazio gehienak, batez ere Android plataforman, jokoak dira. Karrera jokoetatik hasita, moda gaitzat duten jokoetaraino. Honez gain, gai konkretuak ildotzat dituzten sare sozial berriak ere aurkeztu dira, errezetak partekatzeko balio duena adibidez.
"Vending" banaketa makinek ere tarte handia dute kongresuan. Mugikorrarekin ordaindu daiteke batzuetan, lehen aipatutako NFC teknologia erabiliz, eta beste batzuek, ordea, telefono mugikorra bera saltzen digute.
QR kodeak nonahi daude informazio gehigarria eskaintzeko.
Bitxikeriei dagokienez, haur txiki zein pertsona nagusientzat telefonoak eta ur azpian erabil daitezkeen mugikorrak daude.
Arratsaldean Blackberry eta Samsung-en "Developer day" deritzen konferentzietan parte hartu dugu. Blackberryk bere playbook berriaren aurkezpena egin du, horrelako bana partehartzaile bakoitzari oparituz. Honez gain, mugikor hauek programatzeko plataformak aurkeztu eta azaldu dituzte. Konferentzia teknikoa izan da, programatzaileei zuzendutakoa batik bat.
Samsung-eko kideeek ordea, haien azken gailuetan jarri dute arreta, garrantzia emanez beraien sistema operatibo propioari. Bada 2.0. Konferentzia hau ere teknikoa izan da programatzaileei zuzendua, izan ere, Samsung enpresak eskaini ahal diena transmititzen ahalegindu dira.