Erabiltzaile izen berarekin hiru kontu sortu zituzten ikerketarako (Hotmail, Yahoo eta Gmailen) eta laugarren bat ezelako iragazki gabea, hosting hornitzaile baten. Posta helbide horiek blog, Facebook eta kutsatze arrisku handiko guneetan zabaldu zituzten, ehundik gora leku, eta emaitzak jaso bost astetan.
Honakoak izan dira emaitzak: Hotmailen sarrera karpetako mezu guztien %48,57 zen spama, Gmailen %48,88 eta Yahoon %58,33. Hiruren arteko tartea ez da oso handia eta are txikiagoa da Gmail eta Hotmailen artekoa. Filtratu bariko kontuan spam kopurua mezu guztien %64,22 da.
Erantzuna
Ikerketa argitaratu eta erreakzioak berehala etorri dira. Kaltetuena Yahoo izan da eta esan dutenez, euren zerbitzuak spamaren %99a iragazten da, metodologiari egozten dizkiolarik akatsak. Fraunhofer institutuari 2010ean eskatu zioten ikerketa erabili dute argumentu moduan. Orduan erakutsi zutenHotmailek baino %40 spam gutxiago jasotzen dutela Yahooreen posta erabiltzaileek eta Gmailekoek baino %55.