Ez da zerbitzu berria; izan ere, dagoeneko urtebete baino gehiago du. Baina 2.0 bertsioarekin egin duen eraldaketari esker, mugikorretako aplikazio bilakatu da Path; zehazki, sare sozial. Eta, egia esan, berregituraketak izugarrizko onurak ekarri dizkio. Horren adierazle da honako zifra hau: birdiseinatu duenetik, bi milioi erabiltzaile berri lortu ditu. Izugarrizko marka; modan jarri dela ezin ukatu.
Sare sozialen ikuspegi berria dakar Pathek; izaera mugatua du. Izan ere, gehienez, 150 lagun gehi daitezke kontaktuetara. Hala, lagun minenekin harremanetan egoteko aplikazioa da. Ez du ahalbidetzen milaka eta milaka lagun gehitzea, Facebookekin gertatzen den moduan. Beraz, sare soziala baino gehiago, sare antisoziala dela diote hainbat adituk. Azken batean, Pathen helburua da lagunik gertukoenak gehitzea, nork bere intimitatea horiekin bakarrik konpartitzeko.
Hala ere, badago sarera igotako datuak konpartitzeko modua ere, Twitterren, Facebooken eta Forsquaren publikatzeko aukera dago-eta.
iOS eta Android aplikazioetarako dago eskuragarri, oraingoz.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
