Lehen urratsak Sprint telefonia konpainiarekin eta Nexus S 4G mugikorrarekin eman dituzte, terminal horretan soilik dago erabilgarri Google Wallet, baina berehala zabalduko dute zerbitzua mugikor gehiagotara. Telefonoak NFC delako gertuko irismeneko kablerik gabeko teknologia erabiltzen du; Android sistema eragilea eta dendetan ordainketa egiteko terminala ere behar da.
Komertzioek ez diote Googlei kuotarik ordainduko zerbitzua izatearren, banketxeetako TPVetan ez bezela. Zuzenena kontu korrontera edo erositako prepago txartel batera lotu daiteke Google Walleta ordainketak egiteko eta PIN bat izango du erabiltzaile bakoitzak erosketa baimentzeko.
Teknologia berriak gainera, leialtasun beherapenak edota deskontuak eskuratzeko moduak erraztuko dizkio bezeroari, Googletik aurreratu dutenez. Gainera, Googlen bertan bilatu ahalko dira sustapen eta beherapenak eta zuzenean mugikorrera bidali, erosketa egiterako unea aplika daitezen.
Googlen asmoa da hilabe batzuren buruan herrialde gehiagotara zabaltzea.