Bitxia da musika ala liburu elektronikoen deskargarik ez egotea baina oraindik Espainiako argitaletxeekin negoziazioetan dabiltza. Hala ere, espero da urte amaiera baino lehen liburu elektronikoak saltzen hastea ze ordurako salgai izango du Kindle irakurgailua eta, horrenbestez, eskuragarri egon beharko litzateke katalogo elektronikoa. Jakinarazi dutenez, Roca etxearekin dagoeneko sinatu dute hitzarmena eta Libros Asteroiderekin akordioa ixtekotan dira. Random House eta Santillana argitaletxeekin ere dagoeneko hitz eginda daude.
16 urte
Amazon 1995an abiatu zuten Seattlen liburudenda birtual bezala eta hilabete baten buruan Estatu Batuetako 50 estatutan eta munduko 45 herrialdetan hasi ziren liburuak banatzen garaje batetik. Hortik gutxira hasi ziren disko edota material elektronikoa banatzen. Enpresak betidanik izan du prezio politika oso agresiboa. Kindle irakurgailu elektronikoa, eren ikur nagusia, 2007an ipini zuten salgai.