Sarean nabigatzeko erraztasna eta erosotasun izango dira, Googlekoek diotenez, ordenagailu mota berri honen indarguneak, 8 segundoko abiatze batekin, Internetera konektatu eta guzti. Sareko konexioarekin eta hodeiko informazioarekin bakarrik, bestelako software barik, lan egiten duten erabiltzaileentzat bereziki diseinatuta dagoen ordenagailua da. Esan moduan bi izango dira fabrikatzaileak momentuz.
Modelo bi, momentuz
12,1 hazbeteko pantaila eta 1200x800 pixeleko erresoluzioa dauka Samsungen modeloak, 1,48 kiloko pisua eta 8,5 ordu irauten du bateriak. Nukleo bikoitzeko 1,6 GHz-ko prozesatzailea darama barnean, 2 GB RAM, 16 GBko flash memoria, WiFia, hautazko 3Ga, bi USB sarrera, memoria-txartel irakurgailua, miniVGA irteera, mikrofonoa, kamera. 11,6 hazbeteko pantaila, 1,34 kiloko pisua eta sei orduko iraupena duen bateria. Prozesaitzaile berdina du Acerren ordenagailuak eta bi USB sarrera, memoria-txartel irakurgailua, HDMI bideo irteera eta definizio altuko audio euskarria. wSamsungenak 303 euro balio du 3G bariko modeloak eta 353 euro 3Gdunak. Acerrekoaren kasuan 247 euro balioko du merkeenak.
Gainera, Googlek enpresa eta hezkuntza erakundentzako plan bereziak iragarri ditu eta asmoa ei da enpresei 20 eurotan eta erakundeei 14 eurotan saltzea harpidetza bitartez.