Osakidetzako ospitale gehienetan digitalizatuta dituzte erradiografiak, baina oraindik ez dituzte sarean ipini. Debagoieneko Ospitalean ere gaur egun irudi erradiologiko digitalekin egiten dute lan, baita Bidasoa, Zumarraga eta Mendaroko ospitaleetan ere. Dena dela, horietan guztietan oraindik ez dute erradiografiak gordetzeko unitaterik garatu.
Osakidetzak urtero 3,3 milioi erradiografia egiten ditu eta horrek 3,5 milioi euroko kostua eragiten du. Hori horrela, digitalizazioarekin, diru kopuru hori aurreztea aurreikusten du Eusko Jaurlaritzako Osasun Sailak. 2007an hasi zen Osakidetza erradiografiak eta analitikak digitalizatzen eta prozesu horretan orain arten 18 milioi euro gastatu dituzte. Osasun sailburu Rafael Bengoak adierazi du diru hori berreskuratzen hasiko direla erradiografiak inprimitzeari uzten diotenean.