Bosch-en irudia izango da, era berean, Argiñano eta publizitate iragarkietan Bosch babesten agertuko da. Iragarki horietako batean Fagor utzi eta Boschera pasa dela adierazten du sukaldariak: “Yo ya me he cambiado a Bosch. Y tú, ¿Cuando?”.
Kooperatibetan haserre
Fagor etxetresnetan sutan daude. Urte askotan Fagorren aurpegia izan denak utzi egin dielako eta, batez ere, konpetentziara joan delako eta horixe nabarmentzen diharduelako Bosch-en publizitate kanpainan. Konpainia alemaniarrak “fitxaketa izar” moduan aurkezten du iragarkietan Karlos Argiñano.
Arrasateko Fagor Etxetresnen lantokian paskinak agertu dira Argiñanoren aurka. Bosch-en iragargietan “mertzenario”, “pesetero” eta halako berbak agertu dira idatzita.
Gaiak jakinmina eta eztabaida sortu du Fagor Etxetresnetako lantokian eta kalean ez ezik sarean ere bai.