Hezkuntza.net webgunetik aurre-matrikula egiteko aukera emango du aurten Eusko Jaurlaritzako Hezkuntza, Unibertsitate eta Ikerketa sailak. Urtarrilaren 31tik otsailaren 10era bitarteko epea izango dute familiek umeak aukeratutako ikastetxean eta hizkuntza ereduan aurre-matrikulatzeko. Dena den, lehen aukera moduan hautatutako ikastetxean dokumentazio osagarria entregatu beharko dela jakinarazi dute.
Aurre-matrikula online
Aurre-matrikula online egitea erabakiz gero, www.hezkuntza.net orrira sartu eta izena eman beharko dute interesatuek. Berehala, klabe bat jasoko dute email-aren bidez eta horrekin proposatutako galdetegia bete beharko dute. Galdetegi horretan aukeratutako hiru ikastetxeak eta semearentzat/alabarentzat nahi den hizkuntza eredua jakinarazi beharko dira. Ondoren, lehen aukera gisa hautatutako ikastetxean dokumentazio osagarria entregatu beharko da. Otsailaren 11 da horretarako azken eguna.
Informazio gehiago hemen.