Eraginkortasun energetikoa izan dute kontuan eraikina diseinatu eta eraikitzerako orduan. Adibidez, eraikinaren kokapena, hegoaldeko fatxadaren orientazioaren aprobetxamendua eta argi zenitalaren aprobetxamendua. “Proiektatu den eraikinak ongizate termikoa lortzeko behar den energi eskaera mugatzeko inguratzaile bat dauka, Arrasateko klima eta udako eta neguko erregimena kontuan hartzen dituena”, adierazi dute MUtik.
“Eraikina bi bolumen prismatikok osatzen dute, hiru altuerako komunikazio gune zentral batez bereizita; bertan kokatu dira lokaletarako sarbideak eta laborategiak, eta eraikin osoaren eta bertako jardueraren ikuspegi globala eduki daiteke”, zehaztu dute.
A kalifikazioa
Diseinua LKS Ingenieriarena izan da, “Mondragon Goi Eskola Politeknikoko Eraikinen Kudeaketarako taldeak argi eta garbi definitutako ezaugarri eta beharrak kontutan hartuta, eta Calener-en A kalifikazioa lortu zuen Proiektuaren fasean”.
Erreferente izan guran
Politeknikoaren eraikin berria erreferente gura dute bilakatu Estatu mailan, ingeniaritzaren eta elektronika inteligentearen diseinuaren garapenean.