Arduradunen arabera medikamentuen banaketa seguru eta kalitatezkoa bernatzen du sistema berriak, erroreak murrizten baititu errezetan eman eta botikak banatzerako orduan. Izan ere, sistema beraren barruan sartzen dira paziente, mediku eta farmazeutikoak eta, horrela, profesionalen arteko komunikazioa hobetuko da eta pazienteari beharrezkoak ez diren desplazamenduak ekidingo zaizkio; errezeten inguruko kontsultak murriztuz eta tramite burokratikoak gutxituz.
Osasun txartela, identifikatzeko
Pazientea Osasun Tartelaren bitartez identifikatzen da Osasun Sisteman eta bai farmazeutiko zein medikuek ere sarbidea izango dute haren datuetara errezeta eta botiken banaketa egokia egiteko. Hala, pazienteak gura duen farmaziara jo ahalko du eta, han identifikazio txartela aurkeztu eta gero, beharrezkoak zaizkion botikak emango zaizkio asko jota hile bateko epean. Hilabetekoa baino tratamendu luzeagoa duten pazienteen kasuan, halaber, hurrengo hilean jo ahalko dute farmaziara bertara, lehenago osasun zentrora joan barik.