Debagoieneko ospitaleko mediku Iñaki Peñak Arrasate Irratiari emandako elkarrizketan azaldu duenez momentu honetan ostpitala ez dago saturatuta. "Urtarrileko lehen astean nabaritu dugu gripearen "pikoa". Horietako egun batean pasiloan egon dira larrialdietara joandako gaixoren bat edo beste, baina ospitalak ez du aparteko gela edo guneren bat zabaldu behar izan gaixoak artatzeko".
Kanpoko gaixoak
Gripearen epidemia orokorra izan da, eta beste ospitaleetako gaixoak ere hartu dituzte Debagoienekoan. "Baina hori normala da. Hemengo batzuk beste erietxe batzuetara bidali ditugu eta kanpotik hona etorri dira. Urtero pasatzen da hori, negu guztietan", adierazi du Peñak.
Aholkuak
Iñaki Peña medikuak aholku hauxe eman du gripea pasatzeko: "Lehenengo bizpahiru egunetan etxean gelditzea, likido asko edatea eta parazetamol edo antzerakoak hartzea. Sukarrak gora egiten badu, 39-40ra, familia medikuarengana joatea, edo larrialdietara bestela".