Errenteriako Ereintza Kultur Elkarteak eta Gipuzkoako Abesbatzen Federazioak antolatuta, 64. edizioa ospatu zuten atzo herriko Udal Kiroldegian. Debagoieneko abesbatzek beste behin lan ona egin zuten eta horren adierazle dira jaso dituzten sariak.
Urrezko garaikurra
16 urtetik beherakoen abesbatzen txapelketan sei herrietako zazpi koruk hartu zuten parte. Urrezko garaikurra Oñatiko Ganbara Txikik eta Errenteriako Orereta abesbatzek jaso zuten 100etik 75era bitarteko puntuazioarekin. Oñatiarrek ‘Nondegu non?’ eta ‘Alimu’ kantuak abestu zituzten eta gainera, antolakuntza onagatik beste sari bat ere eskuratu zuten Ganbara Txikikoek.
Zilarrezko garaikurra
75etik 50era bitarteko puntuazioarekin, berriz, Arrasateko Goikobalu saritu zuten, baita Andoain eta Oreretako abesbatzak ere.
Brontzezko garaikurra
Eta azkenik, brontzezko garaikurrak jaso zituzten Aretxabaletako Arizmendi Ikastolak eta Elgoibarko koruak.
Epaimahaia
Epaimahaikide lanetan hiru lagun izan ziren: Oñatiko Esteban Urzelai; Orfeoi Txikiko zuzendaria, Donostiako Isabel Mantecon; Pasaia Abesbatzako zuzendaria eta Juncal Guerrero; Donostiako Kontserbatorioko irakaslea.