Era berean, bertako arduradunak, Gotzon Barandiaranek adierazi du aukera polita dela jendearendako sortzaile eta musikariekin aurrez aurre zuzenean topo egitea. "Jendeak artista ezagutu, zuzenean entzun eta ondoren, bere atzetik erakusmahaira joan dela ikusi dugu", kontatu du Barandiaranek. "Ez dugu aurpegi tristerik ikusi eta alaitasuna izan da nagusi Ahotsenean". Sortzaileak eta bisitariak gustura, izan ere momentu batzutan Ahotsenea gainezka ere egon da.
Bestalde, aurten nabarmentzekoa izan da streaming bidez azoka telebista mundu osora zabaldu izana. Besteak beste, Asia eta Ameriketatik jarraitu dute azokan jaso den guztia.
Datuak
- 25.000 bisita izan ditu durangokoazoka.com webguneak
- 300 sinatzailetik gora
- Ahotsenean, 76 ekitaldi eta 200 sortzaile
- Areto Nagusian 60 mahai inguru
- Haur literatura aretoa 30 ekitalditik gora izan dira.
Salduenen zerrenda
Argitaldaria | Egilea | Izenburua | Produktua |
---|---|---|---|
Alberdania | Koldo Ordozgoiti | El futuro nos pertenece. Memorias Políticas del Lehendakari Ibarretxe | Liburua |
Alberdania | Anjel Lertxundi | Eskarmentuaren paperak | Liburua |
Alberdania | Jeff Kinney eta Miren Arratibel Garmendia | Greg gizajo baten egunkaria | Liburua |
Anboto | Anboto | Egutegia 2011 | Egutegia |
Baga-Biga | Gatibu | Zuzenean bizitzeko gogoa | Diska |
Baga-Biga | Esne Beltza | Noa | Diska |
Baga-Biga | Korrontzi & Oinkari Dantza Taldea | Infernuko hauspoa | Diska |
Bainet | Karlos Arguiñano | Gran recetario | Liburua |
BITACORA | SAMUEL SNOGRASS | BARETASUNA | Egutegia |
Bonberenea | Zea Mays | Era | Diska |
Bonberenea | Ama Say | Ren Fan | Diska |
Bonberenea | Zea Mays | Morfina | Diska |
Brian's Records | Seiren | Marraren beste aldean | Diska |
Brian's Records | Atom Rhumba | Gargantuan Melee | Diska |
Brian's Records | Amaia Zubiria | Amona Mantangorri | Diska |
Casa Cristiana Emanuel | KENNETH N. TAYLOR | NIRE LEHENENGO BIBLIA | Liburua |
Casa Cristiana Emanuel | Bibli Elkarte Batuak | BIBLIA | Liburua |
Ediciones Beta | Juan Rekalde Izagirre, Angel Larrea Beobide | Arratia inguruko hiztegia | Liburua |
EHAZE | Oier Guillan | Herio heroi | Liburua |
EHAZE | Patxo Telleria | Dibertimenduak | Liburua |
Elkar | Xabier Montoia | Fucking Artist | Liburua |
Elkar | Miren Agur Meabe | Zazpi orduak | Liburua |
Elkar | Jesus Mari Olaizola "Txiliku" | Euskal Mitologia Haurrentzat | Liburua |
Elkar diskak | Ken Zazpi | Ortzemugak begietan | Diska |
Elkar Diskak | Askoren artean | Euskal Herriko Lur Maitea bilduma | Diska |
Elkar diskak | Olatz Zugasti | Gau hotzenean ere | Diska |
Elkar Fundazioa | Katixa Agirre | Amaia Lapitz eta erregina gorriaren hilobia | Liburua |
Elkarlana | Jose Luis Arruabarrena, Ricardo Ajuria, Agustín Urizar | Elorrio : villa de campeones = txapeldunen herria | Liburua |
Erein | Toti Martinez De Lezea | Nur eta. magia kanpamentua | Liburua |
Erein | Arantxa Urretabizkaia | 3 Mariak | Liburua |
Erein | Jon Arretxe | Zazpi kolore. Diska liburua | Liburua |
Eusko Ikaskuntza | Jose luis de la Granja eta Santiago de Pablo | Gerra Zibila Euskal Herrian 1936-1939 gaiari buruzko iturri dokumentalen eta bibliografikoen gida | Liburua |
Eusko Ikaskuntza | Hainbat | Revista Internacional de los Estudios Vascos, RIEV bilduma | Aldizkaria |
Eusko Ikaskuntza | Hainbat | Zainak. Cuadernos de Antropología-Etnografía, 31 eta 32. zenb. | Aldizkaria |
Gaztelupeko Hotsak | Bide ertzean | Don inor ez | Diska |
Gaztelupeko Hotsak | Txuma Murugarren | B aldeko kantuak | Diska |
Gaztelupeko Hotsak | Keu Agirretxea | Musika vs kantua | Diska |
Gerediaga Elkartea | Gerediaga Elkartea | Astola Ikerketa eta Historia 4. alea | Aldizkaria |
Gerediaga Elkartea | Gerediaga Elkartea | Egutegia 2011 | Egutegia |
Gerediaga Elkartea | Patxi Zubizarreta | Merioaren ibilbidea | Liburua |
Gipuzkoako Foru Aldundia | Auspoa bilduma | Gure itsasontziak | Liburua |
Gipuzkoako Foru Aldundia | Xalbador | Odolaren mintzoa | Liburua |
Gor diskak | Berri Txarrak | Denak ez du balio | Diska |
Gor diskak | Bizardunak | En Zugzwang | Diska |
Gor Diskak | Lauroba | Egunarekin | Diska |
Ibaizabal | Jo Lodge | Krokoren baserria | Liburua |
Ibaizabal | Jo Lodge | Lurra Kroko | Liburua |
Ibaizabal | Patxi Zubizarreta | Xia Tenzinen bidaia miresgarria | Liburua |
IKA | VV.AA. | Esaera zuhur eta zahar | Liburua |
Itzarri Consulting | Koikili Lertxundi, Mikel Aramaio | Futbola, oinarritik euskaraz | Liburua |
Katxiporreta | Pirritx, Porrotx eta Mari Motots | Ongi etorri Pupu eta Lore | Diska |
Katxiporreta | Pirritx, Porrotx eta Mari Motots | Irrien lagunak | CD |
Katxiporreta | Pirritx, Porrotx eta Mari Motots | Pirata ausartak | Liburua |
LA CHIQUILLA | GOSE | IIII | Diska |
Mezulari | Roberto Pavanello | Bat Pat Tutankamonen amona | Liburua |
Mezulari | Lisi Harrison | Monster High | Liburua |
Mezulari | Jeremy Belpois | Lurpeko gaztelua (Lyoko Kodea) | Liburua |
Rock Izar Records | Alice & the Blackfeet | Alice & the Blackfeet | Diska |
Rock Izar Records | Mongo | Mongo | Diska |
Sabino Arana Fundazioa | Sabino Arana Fundazioa | Jose Antonio Agirre: retrato de un lehendakari | Liburua |
Sabino Arana Fundazioa | Sabino Arana Fundazioa | Luis Arana Goiri : Historia del Nacionalismo Vasco | Liburua |
Sabino Arana Fundazioa | Jose Antonio Agirre | Gernikatik New Yorkera Berlinetik pasatuz | Liburua |
Su ta Gar | Su ta Gar | Su ta Gar 20 urte | Diska |
Su ta Gar | Su ta Gar | Egutegia 2011 | Egutegia |
Susa | Koldo Izagirre | Autopsiarako frogak | Liburua |
Susa | Gotzon Barandiaran | Errotik (nobela) | Liburua |
Susa | Jon Benito | Bulkada (poesia) | Liburua |
Talka | Dokumentala | Check Point Rock | Diska |
Talka | Talka | Asmathic Lion Remix | Diska |
TMEO | Mauro Entrialgo | Medio a medias (Herminio Bolaextraren azkena) | Liburua |
TMEO | Batzuren artean | TMEO 111 | Aldizkaria |
TMEO | Abarrots | Euskalorros | Liburua |
Travel Bug | Ibon Martin | Mitología Vasca : 40 rutas mágicas a pie | Liburua |
Travel Bug | Alvaro Muñoz Gabilondo | La montaña vasca : 40 ascensiones míticas | Liburua |
Travel Bug | Alvaro Muñoz Gabilondo eta Ibon Martin | Rutas para descubrir Euskal Herria en bici | Liburua |
Txalaparta | Patxi Zubizarreta | Joan. Hartzak, erlojuak eta beste piztia batzuk | Liburua |
Txalaparta | Irati Jimenez | Atsekabe zaitut | Liburua |
Txalaparta | Joseba Zinkunegi-Juan Jose Petrikorena | Jon Anza. ¿El último crimen de Estado? | Liburua |
Txertoa | José Dueso | Historia y leyenda de las brujas de Zugarramurdi | Liburua |
Txertoa | Garikoitz Knörr | Kaixo! Manual de conversación castellano-euskara | Liburua |
Txertoa | Fermin Gongeta | La hija del artillero | Liburua |
Zakurraren biolina | Joseba Tapia | Eta tira eta tunba | Diska |
Zubia | Jasone Osoro | Jara live | Liburua |
Gerediaga elkartearen balorazioa
Durango, 2010eko abenduaren 8an. Bost egunez luzatu da Durangoko Euskal Liburu eta Disko Azoka. Jendearen harrera aldetik gora beheratsua izan da. Baina aurten ere helburuak bete ditu.
Gerediaga Elkarteak orain 45 urte Durangoko Azokaren antolaketa helburu nagusi batekin hasi zuen: euskal liburugintza eta diskogintzan zegoen produkzioa erakustea. Horren barruan daude euskal gaiak edozein hizkuntzatan idatzi eta jasota, eta edozein gai euskaraz jasota.
Irizpide nagusi horri eusten saiatu da eta bide horretan saiatuko da. Horren adibidea da, urtero Gerediaga Elkarteak argitaratzen duen katalogoa. Azokako produktu guztiak jasota daude bertan eta paperean zein interneten profesionalentzat lan-tresna baliagarria da.
Ezaugarri eta helburu nagusiari eusten dio Azokak, baina moduan aldaketan eman dira eta ematen dabiltza. Horren adibide dira, Azoka barruko aurkezpenak, Haur Literatura Aretoa, Ahotsenea, Azoka TB, Internet... eta etorri daitezkeen beste ekimen batzuk, guztiek Azokaren funtsa indartzeko balio dutela inoiz baino argiago erakutsi dute edizio honetan.
Aretoa
Azoka barruan egokitu da hirugarren urtez ekitaldietarako eta argitaletxe, diskoetxe eta erakunde zein elkarteen proiektu eta produktuak ezagutzera emateko tokia.
60 ekitaldi diferente egin dira, tarteko mahainguruak, tailerrak,
aurkezpenak, emanaldiak,... Guztiak egin dira eta ekitaldiaren arabera, eta batzuetan ordutegiaren arabera, aretoa bete edota erdi hutsik ere izan da.
Haur literatura aretoa
Elkartegian, Landagunearen ondoko eraikinean, izan du kokapen berria. Aretoa handiagoa eta erosoagoa izan da, eraikin barru batek ematen dituen zerbitzu guztiak eskura izan direlako.
Abenduaren 5etik 8ra zabaldu ditu ateak eta 30etik gora ekitaldi egin dira. Umeentzako tailerrak, lehiaketak eta irakurketa librerako tarteez gain, pailazo, txotxongilo eta ipuin kontalari emanaldiak izan dira. Umeentzat bereziki argitaratutako liburu eta jolasen aurkezpenak ere izan dira.
Ahotsenea
76 zuzeneko ekitalditik izan dira eta guztira 200 bat sortzailek parte hartu dute aurtengo edizioan. Hirugarren urtea egin du eta aurten ere jakinmin handia sortu du Ahotseneak.
Sortzaile ezagunak, ez hain ezagunak edota ezezagunak, berdinean, publikoarekiko hartueman zuzenerako plaza izan dute. Jende askok sortzaile berriak deskubritu ditu. Arrakastarik gehien zuzeneko emanaldiek izan dute eta arratsalde partekoak. Horrelakoetan, sarri, aretoa ere txiki geratu da. Kultur eskaintza eta propoposamen berriak ere izan dira tarteko.
Ordu erditik ordu erdirako aurkezpenak izan dira eta ordutegiak mantendu dira gehienetan. Internetez streaming bidez ere jarraitzaileak izan dira.
Azoka tb
Bigarren urtez egin da. Euskaltel izan du aurten ekimenak laguntzaile berria. Berari esker Azoka erdigunean pantaila handiagoa izan dugu eta www.durangokoazoka.com webgunean streaming bidez mundu osora zabaldu dugu sainalea.
Gipuzkoako Foru Aldundiak eta Gerediaga Elkarteak elkarrekin bideratutako ekimena da. Eta lan-taldean ETB3, Goiena TB eta Haimaika TBko profesionalak ibili dira. Bost egunetan 20 bat inguruko lan-taldea izan da Azokan pasatzen zenaren berri ematen.
Internet
www.durangokoazoka.com eta facebook eta twitter sare sozialak ere Azokako berri emateko tresna bihurtu dira. Bost egunetan 25000 bisitari izan ditu Azokak eta gehienak, Euskal Herriko bisitariak izan badira ere, mundu zabalera ere heldu gara. Irak, Filipinak, Etiopia, Australia, Errusia, Nikaragua, Polonia, Kanada… bisiten jatorri batzuk.
Bisitariak
Gora-beheratsua izan da bisitarien joan-etorria. Azoka hasi lasai antzera hasi zen larunbatean. Bigarren egunean jende gehiago etorri zen eta abenduaren 6koa inoizko jenderik gehien ibili zen. Ez bakarrik Azokan, Durangon eta alboko herrietan ere igarri zen. Atzoko egunean, ere, goiza motel hasi arren arratsalderako jende dexente ibili zen Azokan.
Eta sortzaileak inoiz baino lan gehiago hartu dute. Sinadurak 300dik gora ekinaldi zenbatu ditugu lau egunetan. Sortzaileak ikusi du, erakusmahaian egoteak salmentetan eragin handia daukala. Lehen egun bakarra etortzen baziren, gaur egun, musikari eta idazle batzuk egun guztietan izaten dira Azokan.
Salmentak
Gora-beheratsua izan da bisitarien antzera. Ondo saldu dute ia gehienek aurtengo Azokan. Nobedadeak izan dituztenek salmenta hobeak izan dituzte. Azokara ekarritako aleak ere batzuek agortu egin dituzte.
Salmentetan eragin handia du nobedaderik ekarri edo ez. Eroslearen joera, krisiaren eraginez, liburu eta disko kopuru gutxiago erostea izan da. Eta erostekotan, gehienek, nobedadea nahi izan dute.
Lan-taldea
Eskerrak ematen die Gerediaga Elkarteak, borondatez eta modu profesionalean ere Azoka aurretik eta Azokan lanean ibili diren guztieri. Ahotsenean, Haur Literatura Aretoan, Azoka TBn, Prentsa bulegoan, informazio gunean, aretoetan… jende asko ibili da lanean.
Azken berba bi: Azokako lehen egunean hil zen Xabier Leterentzat. Azokako parte izan da urte askotan. Omenaldia egin zitzaion Azokako bigarren egunean eta Azokako egun guztietan gurekin izan dugu.
Eskerrik asko, Xabier Lete