Etorkinena delako krisiak gogorren kolpatzen duen gizataldeetako bat, eurei laguntzeko ekimenak prestatu ditu ESK-k. Honela, sindikatuak etorkinendako eta giza eskubideen gaineko zerbitzua emango du urtarriletik aurrera Bergarako euren egoitzan. Zerbitzu berria eguazten arratsaldeetan emango dute hasiera batean. Hain justu ere, zerbitzuaren aurkezpena abenduaren 2an Bergaran bertan izango diren immigrazioaren eta giza eskubideen inguruko jardunaldietan egingo dute. Jardunaldion hirugarren edizioa da, aurrekoak Gasteizen egin dituzte, erantzun onarekin. Jardunaldiotan Debagoieneko immigrazioaren egoera aztertuko dute, eta baita arrazakeria eta etorkinen lan eskubideak ere ikuspegi desberdinetatik eta hainbat aditurekin. Laburmetraia bat ere emango dute. Jardunaldiakzabalotegi aretoan izango dira, doakoak eta gazteleraz, antolatzaileen nahia omen delako ahalik eta etorkin gehien bertaratzea.