Zazpigarren aldia da ospakizun hau egiten dela. Aurrez ere egin izan da, Eskoriatzan, Aretxabaletan , Arrasaten, Bergaran, Oñatin eta Antzuolan. Honekin ziklo bat beteko dela adierazi digute Atzegitik.
Eguerdian, 12:00etan elkartuko dira Espaloia Kafe Antzokian eta bertan jasoko dute Atzegizaleek Atzegiko arduradunen eta Elgetako alkatearen ongi-etorria.
Ondoren Bidaia baten ametsa film laburra ikusteko aukera izango da. Film honek 3. saria lortu zuen Donostian egindako lehiaketan.
Gero, Elgetako dantzari gazteenen emanaldia izango da eta bukatzeko bazkaria eta dantzaldiak frontoian.
Bazkarian 150 bat lagun elkartuko dira, baina egunean zehar izango diren ekitaldietara gonbidatu gura izan dute edozein debagoiendar.