Agintarien jarrera lotsagarria
Iñakik azaldu duenez, Guatemalaren hego mendebaldean izan du eragina ekaitz tropikalak. Mendebaldea da indigenen zonaldea eta hegoaldea, berriz, azukre sail handienak eta abeltzain garrantzitsuenak dauden lekua. Gobernuak hegoaldera bideratu du laguntza gehiena.
Indigenak dauden lekura astebete gerora arte ez da egon agintarien presentziarik. Estatuko presidentea joan zen eta Iñakik salatzen duenez ez zuen inongo konpromisorik hartu. Santiagoko zonaldea "berreraikuntzaren sinbolo" izendatu zuen eta horrek ez du ezer konpontzen. Bestalde, 5.000 errefuxiatu ingururendako txabolak eraikitzeko laminak eraman zituen, baina lurraren kontua eta zailena bertako alkatearen esku utzi zuen. Iñakiren iritziz, agintarien jarrera lotsagarria izan da.
Berreraikitzeko momentua
Iñakik dioenez orain berreraikuntza momentua da. Orain, asko kostatzen da erakundeetatik abiatutako berreraikuntza bideratzea eta hori ikusirik maila lokalean berreraiki behar dela uste du. Lagundu nahi duten talde ezberdinek bertako antolaketa komunalak ezagutu behar dituzte eta hortik abiatuta koherentziaz eraiki behar da, garapen lokalera bideratuko duena. Koordinaziorako deia egin du.
Kontu korrontea zabalik diruz lagundu nahi bada
Amaia eta bere bi lagunen helburua eskola eraikitzea zen, baina Guatemalan orain dela gutxi izandako ekaitz tropikalak zer eragin izan duen ikusiko dute lehenengo eta gero pentsatuko dute zertan lagundu.
Diruz lagundu nahi izanez gero, kontu korrontea dago Oñatiko Euskadiko Kutxan, Amaia Goitiaren izenean.