Euskal Herriko unibertsitate publikoaren eta unibertsitate kooperatiboaren artean egindako mota honetako lehen elkarlana da. Bi unibertsitatetako kooperatibismoaren ikertegiak (Lanki eta Gezki) bildu dira lan hau egiteko.
Autoeraketaren gaineko ekarpen berria
Globalizazioaren inguruko gogoeta zabala egiten du, eta horri lotuta autoeraketaren inguruko (kooperatibismoa barne delarik) ekarpen berria egiten du. Hau berria da gure inguruan.
Euskaraz
Liburua euskaraz sortu dute, eta gai hauetan gure hizkuntzan dagoen gogoetan aurrerapausoa dakar.
Egileak:
- Mikel Zurbano. EHUko ekonomia irakaslea eta Gezkiko partaidea
- Antxon Mendizabal. EHUko ekonomia irakaslea eta Gezkiko partaidea
- Jon Sarasua. HUHEZIko pentsamendu-irakaslea eta Lankiko partaidea
- Ainara Udaondo. HUHEZIko irakaslea eta Lankiko partaidea.
Liburuaren mamia
Bi atal ditu liburuak. Lehenengo atalean,
- pentsamendu sozioekonomikoen oinarriak aurkezten dira,
- globalizazioaren kontzeptuaz hausnarketa egiten da,
- munduko ekonomiaren ibilbide garaikideari erreparatzen zaio,
- II. Mundu-Gerraren osteko bipolaritatea garaian eraikitako eredu sozioekonomikoen oinarriak aztertu ondoren, berauen krisiaren zantzuak eta ondorenak azaltzen dira
- eta atalaren amaiera eredu berrirako oinarrien nolakoaren analisiak egiten du.
Bigarren atalean autoeraketa ekonomikoan jartzen da begirada hausnarketa txiki bat abiarazteko:
- Autoeraketaren kontzeptua apur bat zedarritu dute lehenengo.
- Ondoren, autoeraketa ekonomikoa egungo munduan kokatzeko lau ideia landu dituzte.
- Azkenik, autoeraketa ekonomikoak dituen potentzial eta mugak aletzen saiatu dira.
Horrekin guztiarekin gogoeta eta eztabaidarako marko bat eskaini nahi zaio irakurleari.