Bergarako Autos Ion Citroeneko tailerraren aurrean aurkitu dugu bertako garabia, geldi. Debagoieneko gainerako garabizaleek bezala, autos Ioneko bi garabiek ere greba ekin dute gauerdian. Ibarrean 6 garabi daude, hiru Bergaran eta beste horrenbeste Arrasaten, eta guztiek egingo dute lanuztea.
Irunen izandako manifestazioan izan dira ibarreko ordezkariak
Goizean manifestazioa egin dute garabizaleek Irunen. Guztira 15-20 garabi enpresako gidari elkartu dira, eta bertako kaleak zeharkatu dituzte. Gipuzkoan 40-50 garabizale daude, eta jakin dugunez, ia gehienek hasi dute greba.
Garabizaleen ordezkariak eta aseguru etxeetako ordezkariak gaur elkartuko dira ea adostasunik lortzen duten. Garabietako langileek salatzen dute udan lortutako akordioa ez dutela bete aseguru etxeek. Azken hamar urteotan salneurrietan gorakadarik ez dutela izan gaineratu dute, eta eskatzen diote aseguru etxeetako ordezkariei salneurriak igotzeko.
Nahiz eta momentuz normaltasuna den nagusi, datozen orduetan egoerak okerrera egin dezake.