Mario Poletti italiarra sailkatu zen lehenengo 4 ordu, 6 minutu eta 46 segunduko denbora eginez. Zuhaitz Ezpeleta arrasatearra bigarren sailkatu zen, 2 minutura. Hirugarren helmugaratu zen Esteve Canal katalandarra, Ezpeletarengandik 8 minutura.
Aizkorriko mendi maratoiko hirugarren edizioa burutu zen atzo, hilak 23. Munduko probarako puntuagarria izan da aurten Zegaman egiten den maratoia, eta horrez gain, Euskadiko Txapelketarako ere baliagarria zen. 333 parte hartzaile izan ziren guztira.
Debagoiendarrak, ondo
Gure ibarretik ere jende asko animatu zen, 34 pertsona guztira. Gainera, esan behar da oso lan ona egin zutela. Zuhaitz Ezpeletak bigarren postuan amaitu zuen, faborito gehienen aurretik. Ibarreko emakume bakarrak, Rosa Lasagabasterrek ere oso ongi jardun zuen; nahiz eta min hartuta bukatu, bigarren amaitu zuen Euskadiko txapelketa.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak