Txapazko istripua Oñatin
Goizeko 10:45ean hiru autok elkar jo dute Oñatiko Zubillaga auzoan. Txapazko istripua izan da eta ez da zauriturik egon. Auto ilarak sortu ditu istripuak, baina 11:50etarako kaltetutako autoak lekutik kenduta zituzten.
Emakumea zauritu du kamioi batek Arrasaten
Goizeko 11:50ean gertatu da bigarren istripua, Arrasate pasealekuan. Bolintxo eta San Viator txiki arteko zebrabidea pasatzen ari zen hainbat jende eta kamioia geldi zegoen jendea pasatzeko zain. Kamioi gidariak aurrera egin du, ustez jende guztia pasa delakoan eta ikusi ez duen emakume bat jo du. Emakumea lurrera bota du kamioiak.
Udaltzainen arabera, 65-70 urte inguru ditu emakumeak eta Eskualde Ospitalera eraman dute. Orain ikusi egin beharko da besoa eta mokorra hautsi ote dituen.