Hogeita bigarren jardunaldia jokatu eta gero, Aloña Mendi da ibarreko talde onena. Beti Gazteri irabazi eta gero, oñatiarrek 36 puntu dute eta laugarren postuan dira. Postu bat atzerago dago Mondra. Arrasatearrek ez zituzten zapatuan gauzak bat ere ondo egin, eta Touringen kontra galduta lehenengo postuei heltzeko aukera paregabea galdu zuten. Bergara ere gora begira dabil, seigarren postuan. Zarautzen bisita izan zuten Agorrosinen, eta norgehiagoka hamar jokalarirekin amaitu bazuten ere, bergararrek ondo eutsi zioten liderrari. Azkenik, UDAk poztasun galanta eman zien euren jarraitzaileei. Aretxabaletako taldeak 3-0 irabazi zion Trintxerperi, eta horiek ere gero eta gorago daude, bederatzigarren postuan dagoeneko.
Maila horretako taldeen artean dagoen berdintasuna da gauza azpimarragarriena. Izan ere, Aloña Mendiren eta UDAren artean sei puntuko aldea baino ez dago. Lo hartzeko moduan daude, beraz.