Joan den astean, egubakoitzean egin zuten bilera Jaurlaritzako arduradunekin. Orain, Hezkuntza Sailak eman beharreko erantzunaren zain daude.
Bailara osora zabaltzeko asmoa
Debagoieneko alkateek espero dute Eusko Jaurlaritzako Hezkuntza Sailak aste honetan emango duela erantzuna. Arrasateko, Aretxabaletako, Eskoriatzako eta Oñatiko alkateek, 0-3 urte bitarteko haur hezkuntza publikoa bailara osora zabaltzeko proposamena egin zuten Jaurlaritzaren aurrean.
Eusko Jaurlaritzak Haurreskolak izeneko partzuergoa sortu du, herrietako eskaintza publikoa errazteko. Baina Arrasateko Udalak, esate baterako, ezezkoa eman dio formula horri.
Gaur egun, Arrasaten, Aretxabaletan, Eskoriatzan eta Oñatin dagoen 0-3 urte bitarteko haur hezkuntzaren eskaintza guztia pribatua da.