Aurtengo lehen 13 egunetan 23 ume jaio dira Debagoieneko Eskualde Ospitalean, iaz baino 5 ume gehiago. Gainera, Amatasun Sailean esan digutenez, emakume ugari dago haurdun Debagoienean, apirilean umea izateko.
Gero eta ume gehiago
Iaz 515 haur jaio ziren Debagoieneko Eskualde Ospitalean, 2002an baino 18 gehiago. Horien artean, neskak nagusi, zehazki 288 neskatila. Mutikoak, berriz, 227 izan ziren. Hilabeterik oparoena, azken urteetan gertatu den bezala, maiatza izan zen iaz ere, 57 ume jaio ziren. Horren ostean, iraila eta azaroa. Hilabeterik urriena neguko hotzena izan zen. Otsailean 27 haur baino ez ziren jaio. Eta otsailaren ostean, udako hilerik beroena izan zen urriena. Abuztuan 32 ume jaio ziren iaz.