Erretiratuendako informatika ikastaroak San Joxepen

 Bergara Ikasturte berriarekin abian jarri dira San Joxepe elkartean ohiko ekintzak eta ikastaroak: eskulanak, yoga, gimnasia, abesbatza eta pintura. Horietan jarduteaz gain, nagusiek informatika ikasteko aukera ere izango dute urriaren 5ean hasiko diren ikastaroetan.

Pertsona bat hil da autobideko istripuan

 Bergara A-1 autobidean gertatu da istripua, Bergara eta Eibar artean. Bi kamioik elkar jo dute eta ondorioz pertsona bat zendu da. Istripua dela eta Eibarrerako noranzkoa itxita dago.

Bi antzezlan asteburuan

 Bergara Asteburuan bi lan ikusteko aukera izango dute antzerkizaleek Bergaran. Lehenengoa gaur, egubakoitza, Novedades aretoan Itziar Ituñoren eskutik. Bestea, bihar, zapatua, Zabalotegin, Ispilu taldeak eskainita.

Udal gobernuko eta Bergara Aurrerako kideen arteko akusazioak asteleheneko osoko bilkuran

 Bergara Udalbatza istilutsua gertatu zen astelehenekoa, irailaren 27koa. Hasiera baten ez zegoen gai garrantzitsurik aztertzeko, baina erregu eta galderen txandan, udal gobernuko eta ikusleen artean ziren Bergarako Aurrerako kideen arteko eztabaida eta akusazioak etorri ziren.

Gabero abesbatza Holandan kantari

 Bergara Gabero abesbatzako 30 lagun inguruk Holandara egingo du bidaia urriaren amaieran, Veldhoven hiriko gazteen abesbatza lehiaketan parte hartzeko. Munduko hainbat herrialdetatik joandako 22 abesbatza izango dira bertan kantari.

Akulu AEK euskaltegia indarberrituta, ikasturte berriaren atarian

 Bergara Indartuta eta berrituta dator Bergarako Akulu AEK euskaltegia. Hala eman dute aditzera bertako irakasleek gaur arratsaldeko prentsa agerraldian. Aurreko urteetan baino jende gehiago matrikulatu da aurten, eta horrek eskaintza zabaltzea ahalbidetzen die.

Artekale itxita

 Bergara Bihar Artekale itxi egingo dute eta bi hilabetez ez da zirkulaziora irekiko. Artekaleko etxeetako teilatuak konpondu behar direlako itxiko dute kalea.

Patinaje ikastaroa: urriaren 14a izena emateko azken eguna

 Bergara Bergarako Kirol Zerbitzuak patinaje ikastaroa antolatu du. Hastapen eta hobekuntza ikastaroak egongo dira, urriaren 16an hasi eta abenduaren 4ra bitartean. Urriaren 14a baino lehen eman behar da izena.

Mireia Gabilondok "Kutxidazu bidea, Ixabel" filma zuzenduko du

 Bergara Donostiako Zinemaldia pil-pilean dagoen honetan zinema proiektu baten berri emango dizuegu. "Kutsidazu bidea, Ixabel" eleberria zinemara eramango dute eta Mireia Gabilondo bergararra izango da zuzendarietako bat.

Antzuolara joan ziren barazki eta fruta lehen sariak zapatuko azokan

 Bergara Azokan egiten duten fruta, barazki eta gazta lehiaketan 55 lagun inguruk hartu zuen parte. Erreileno eta tostoien kofradiak ohorezko kide izendatu zuen atzo Jesus Mari Ugalde zientzialaria

Zus Bernaerts, Belgikako bergararra

 Bergara Espainiako gerraren sasoian Belgikak emandako laguntza eskertuko diote Zus Bernaerts-i zapatuan, hilaren 18an, Altzasun. Haren lagunek omenaldi beroa prestatu diote, eta 50 bat lagun elkartuko dira bazkaltzeko.

Hasi dira Bergarako igerilekuko lanak

 Bergara Astean hasi dira Bergarako igerileku berria egiteko lanak. Bi alditan egingo dituzte. Lehenengoan, eraikin zaharra botako dute.

Donostiako Orfeoia zapatuan San Pedro elizan

 Bergara Aurten Aritzeta abesbatzaren 25. urteurrena ospatzeko hainbat ekitaldi antolatu dituzte. Emanaldi nagusia ekainean egin bazuten ere, oraindik bada besterik. Zapatuan, San Pedro elizan Donostiako Orfeoiak eskainiko duen kontzertua, esaterako.

Euskeria, danon aukeria! kanpaina abian

 Bergara Euskara sustatzeko ahaleginetan, urrats bat gehiago emateko konpromisoa hartu dute gaur bergararrek. Guraso eta merkatariek paper garrantzitsua izango dute ibilbide horretan, eta euskaltzaleek mezu zuzena igorri diete.

Lehia handia egon arren, txapela

 Bergara Hamabi bikoteren artean onenak izan ziren Asier Ena eta Maite Lazkano, egubakoitzean jokatu zen Moises Azpiazu dantza solte txapelketan. Azkoitiarrak, berriz, bigarren.

Arostegiko erakusketa aretoa, amaitzear

 Bergara Hasiera baten San Martin jaietarako zabaltzeko asmoa bazegoen ere, Arostegi etxeko erakusketa aretoaren inaugurazioak itxaron egin beharko du oraingoz. Lanak amaitzear daude eta udazkenean irekiko dute, Abdon Juaristi zenaren margo erakusketa batekin.

Gazte Informazio guneko Buletina aurkeztu dute

 Bergara Bergarako Gazte Informazio Bulegoak gazteentzako informazio interesgarria astero posta elektroniko bidez zabaltzeko buletina aurkeztu berri du.

Zuzendariak gustura: Bidekurutzeta eta plaza jendez bete zituzten zapatuan

 Bergara Herriko jaiak zirela zirudien zapatuan Bergaran; banderatxoz atonduta eta jendez gainezka zeuden Bidekurutzeta eta San Martin plaza ‘Aupa, Etxebeste!’ filma errodatzeko

Txikizioa Aranzadi ikastolan

 Bergara Oporretatik itzultzean azkenaldian ohiko bihurtzen ari den irudia aurkitu dute Aranzadi ikastolan: poligonoko eraikinaren atzealdera ematen duten zenbait gelatan txikizio galantak. Sarriegi errepikatzen den arazo hau eragozteko Udalak behar beste ahalegin egiten ez duela diote Aranzadin.

Ordenagailu eta promozio berriekin hasi du ikasturtea KZGuneak

 Bergara KZGuneak ateak zabaldu ditu berriro, oporrak bukatuta. Bi berritasun nagusi aurkituko dituzte erabiltzaileek: batetik, bi ordenagailu berri, eta bestetik, erabiltzaile berriak erakartzeko promozioa.contributors:

Gida komertziala

Gida komertzialeko produktuak

Publizitatea
Solomoa
Gosariak
Altzairu matriz gogorra