Logoa

Emakumeen aurkako indarkeriari buruzko hitzaldia eskaini zuen Zutik-ek

 Bergara "Zigorrek ez dute emakumeen aurkako indarkeria konponduko, beldurrak ez duelako adierazten egindakoa gaizki dagoela"; hala esan zuen Maria Antonia Caro adituak Zutik taldeak antolatutako hitzaldian. Emakumeen Aurkako Osoko Legea egiten lagundu zuen Carok, eta legea azaldu zuen atzo, azaroak 15, Bergaran.

‘Bat Gehio’ taldea Jam aretoan

 Bergara Azaroaren 24an, ostegunean, kontzertua eskainiko dute arratsaldeko 19:30ean.

Omenaldi jendetsua Bergarako pilota sailari

 Bergara Reyes Azkoitia izan zen omenaldiko protagonista. Jende ugari bildu zen zapatuan, azaroak 12, Bergarako Udal pilotalekuan.

‘Kaleko hezitzaileak’ programa abian jarri du Udalak

 Bergara Udaleko Ongizate Zerbitzuak 11-17 urte bitarteko nerabeei zuzendutako Kaleko hezitzaileak programa jarri du abian. Debagoienean esperientzia aitzindaria da Bergaran martxan jarritakoa. Familia edo eskola nekez heltzen diren esparrutara heltzea da programaren helburuetako bat.

Xala eta Titin, finalerdietan Bergaran

 Bergara Xalak eta Titinek Lau T'erdiko Txapelketako finalerdietako bat jokatuko dute domekan Bergaran, 17:00etan. Ligaxkako norgehiagoka izango da, eta domekako partidua erabakigarria ez bada ere, pilota aukeraketan bi protagonistek azpimarratu gura izan zuten ondo hastea komeni dela. Irabazten duenak konfiantzaz egin ahal izango dio aurre Patxi Ruizen edo Olaizola II.aren kontrako norgehiagokari.

Omenaldia Bergarako eskola pilotari

 Bergara Azaroak 12, larunbata, egingo da omenaldia. Arratsaldeko 17:30ean hasiko da ekitaldia Udal pilotalekuan. Sarrera 5 euro.

Toribio Jauregiren argazki erakusketa Aroztegin

 Bergara Toribio Jauregiren argazki erakusketa jarriko dute Aroztegi aretoan, azaroaren 11tik abenduaren 3ra bitartean. Pilotazale eta argazkizale amorratua, Toribio Jauregi Altzeta (1896-1969) bere garaiko nolabaiteko kronista izan zen. Barrenkaleko 19. zenbakian denda zeukan (aurretik Eustakio Agirreolea argazkilariarena izandakoa) eta argazki fondo bikaina utzi zuen.

Bi kontzertu Mariaren Lagundian

 Bergara Udazken Kulturalaren barnean, azaroaren 12an eta 13an, bi kontzertu izango dira. Emanaldiak Mariaren Lagundiko elizan, arratsaldeko 19:00etan eskainiko dira.

Sexu-biolentzia salatzeko kartel lehiaketa

 Bergara Beke-k, Bergarako Emakumeen Kultura Elkarteak, antolatu du lehiaketa. 15 urtetik gorako edozein herriko egileek har dezakete parte, bakarka edo taldeka. Azaroaren 18a da lanak aurkezteko azken eguna.

'Toribio Jauregi, pilotazale bat kameraren atzean' erakusketa aurkezteko prentsaurrekoa egingo dute

 Bergara Azaroak 9, asteazkena, egingo da erakusketako prentsaurrekoa. Bergarako Udaleko osoko bilkura aretoan izango da eguerdiko 12:00etan.

Seminarioko jolaslekua erosi nahi du Bergarako Udalak eta garajeak egin

 Bergara Ezohiko osoko bilkura egingo dute gaur, astelehena, Ogasun Ministerioari erosi nahi dioten Seminarioko jolaslekuaren gaiaren harira.

Haurrentzako antzerkia: "Xomorroak"

 Bergara Azaroaren 6an, igandean, "Xomorroak" antzezlana eskainiko dute. Udal pilotalekuan izango da ikusgai arratsaldeko 17:30ean. Sarrera 2 euro.

Gizonezko bergarar bat hil da kamioi batek harrapatuta

 Bergara Matxiategi kalean izan da ezbeharra 08:00etan kamioiak gizonezkoa azpian harrapatu eta istripuaren ondorioz hil egin da.

Hutsik dauden etxebizitzak merkaturatzeko hitzarmena sinatu du Udalak

 Bergara Javier Madrazo Etxebizitza eta Gizarte Gaietarako sailburuak eta Victoriano Gallastegi, Bergarako alkateak, sinatu dute Bizigune Programako hitzarmena. Hitzarmen honen arabera, hutsik dauden etxebizitzak merkatuan eskuragarri izateko urratsak emango dira.

Haizeak eraginda arbola jausi da Espoloian

 Bergara Haizeak eraginda arbola bat jausi zen atzo Espoloian. Han diren platano arboletako bat bota zuen haizeak. Zuhaitzaren erdia Espoloiko 16. zenbakian dagoen txaletaren terrenoetara erori zen. Zorionez, ez zen kalte pertsonalik egon.

'Aupa Etxebeste!' euskararen historiako film ikusiena

 Bergara Sekula euskarazko film batek izan duen ikusle kopururik handiena lortu du Aupa Etxebeste!-k. Asteburu honetan eskainiko dute filma Bergaran. Zinema emanaldiak berreskuratzeko taldeak idatzi bat egin du. Guk iritzi guztiak jaso ditugu.

Enpresetan euskara planak martxan jartzera animatzeko ate irekien ekitaldia

 Bergara Urriaren 19an, Bergarako Udalak ate irekien ekitaldia antolatu zuen Geyser-Gastech enpresan. Ekitaldi hori udalerriko enpresak euskara planak martxan jartzeko sustapen eta komunikazio proiektuaren baitan egin zuten.

Bizigune programa aurrera ateratzeko akordioa izenpetuko du Udalak

 Bergara Bergarako Udalak eta Eusko Jaurlaritzako Etxebizitza eta Gizarte Sailak lortutako akordioaren berri emateko, prentsaurrekoa egingo da. Ekitaldia, urriaren 27, eguerdiko 13:30ean izango da udaletxeko Pleno Aretoan.

Fernan Oregi eta Benito Cantero San Martin Argazki Rallyko irabazle

 Bergara Pol-Pol Argazki Taldeak antolatuta San Martin jaietan Argazki Rallya egin zuten hainbat zaletuk. Diapositiben atalean Soraluzeko Fernan Oregik jaso du lehen saria. Argazki digitalean Bergarako Benito Cantero izan da irabazle.

Debagoieneko I. Spinning Maratoia Bergaran

 Bergara Azaroak 12, larunbata, Debagoieneko I. Spinning Maratoia egingo da. Bergarako Labegaraieta kiroldegian izango da maratoia. Izena emateko epea urriaren 26tik azaroaren 9a bitartean izango da.

Gida komertziala

Gida komertzialeko produktuak

Alzola ura
Alfonbrak
Berezko medioak
Agenda
Pintxoak