goiena.eus

Herriarteko bertso txapelketako finalaurrekoa Udal Pilotalekuan

  Kultura  Bergara

Zapatu arratsaldeko saioan Gabiriako Osinalde eta Amasa-Villabonako Am..ona taldeen artean izango da jokoan finalerako txartela.

Herriarteko bertso txapelketako finalaurrekoa Udal Pilotalekuan
Bergarako finalaurrekoan arituko diren taldeak, 'Osinalde' eta 'Am...ona'. | Ikusi handiago | Argazki originala

Zapatuan, maiatzak 13, Bergarako Udal Pilotalekuan Gipuzkoako Herriarteko Bertso Txapelketako final aurrekoa jokatuko dute Gabiriako Osinalde eta Amasa-Villabonako Am...ona taldeek. Saio horretan puntu gehien eskuratzen dituen taldeak hilaren 27an Azpeitiko Izarraitz pilotalekuan jokatuko den finalerako txartela lortuko du. 17:30ean hasiko da Bergarako saioa, eta sarrerak  Pol-Pol tabernan edota bertsosarrerak.eus webgunean eskuratu daitezke, 8 eta 10 euro bitarteko prezioan.

Asteasuko eta Zizurkilgo kideez osatutako Karidadeko Benta taldea dagoeneko sailkatu da finalerako, asteburuan Alegiko frontoian jokatutako beste finalaurrekoan Erniarraitz 1 azpeitiarrei gailenduta. Tolosaldekoek 27 puntu egin zituzten, eta azpeitiarrek, berriz, 18.

Bada, Bergarako finalaurrekoan, honakoak izango dira Gabiriako taldea ordezkatuko duten bertsolariak: Aratz Igartzabal, Endika Igartzabal eta Gorka Maiz. Am...ona taldeari dagokionean, Beñat Iguaran, Amaia Agirre eta Ander Goikoetxea bertsolariak arituko dira mikrofonoaren aurrean.

2017/05/13 17:30

Bergarako Udal Pilotalekua | Bergara

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa