Nagusien danborradako aurtengo nobedadea izango da bi zatitan aterako dela. Ohiko konpainiak aterako dira 22:30ean –megafoniarekin–, eta tarte bat utzita abiatuko da –Udal Biltegitik hura ere– bigarren zatia, San Martinen heriotza irudikatuko duena, japoniarrez jantzitako danbor-joleak barne, Udal Musika Bandak lagunduta; banda ez da, beraz, aurten danborradaren zain plazan egongo, ibilbidea egin egingo du.
Danborradaren bigarren zati horren ibilbidea, baina, lehenengoarena baino laburragoa izango da, herriko beheko zatia egingo du-eta soilik; goikoa ez. Plazan itxoingo diete ohiko konpainiei. San Martinen errepresentazioa 23:30ean hasiko da. Aurten horrela egitea erabaki dute, danborradaren festa kutsua eta kutsu solemnea, biak, errespetatzearren.
Bestetik, Udalak dei egin die bandera eramaile izango liratekeen 16 urtetik gorako neska zein mutilei izena eman dezaten (943 77 91 59).
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
