Angiozarko musikariek udaberri grisa abestiekin koloreztatu dute

Laugarren urtez, Udaberriko Jaialdia egin zuten atzo iluntzean Angiozarren, eta bertako musikariek zein Oñatitik joandako lagunek trikiti, pandero, gitarra eta gainerako intsrumentuen soinuekin  bete zuten San Migel parrokia. Ohiko trikiti doinuez gain, bestelako abestiak ere entzun ziren bertan, besteak beste, Mike Oldfielden 'Moonlight shadow' edo RIPen 'Condenado'. Ipuin kontaketarik ere egon zen, eta Angiozarko emakumeek eskulanetan egindako lanak ere ikusi ahal izan zituzten bertaratu zirenek. Jasotako dirua, elizako organoa konpontzeko erabiliko da.