Zubi parean bidegurutzeak beharko dituen lau bideak sartzeko, zubiaren parean dagoen mendiari zati bat kendu diote. Horrez gain, zubiaren sarrera nahiz irteera bideak, Deba ibaiaren hertz gainetik igaroko dira.
Maiatzean hasi zituzten obrak Mekolalden eta itxurari erreparatuz, hilabete hauetan aurrerapen handiak egin direla ikusten, hala ere behargin batek azaldu moduan, oraindik begi-bistan ez dauden lan asko falta dira. Obra honetan udalak kudeaketa ardurak besterik ez ditu egingo, bidegurutzea bere osotasunean industrial guneko enpresek ordainduko dute-eta.
Obrak bere osotasunean 400.000 euro pasatxoko kostua dauka, eta udaletik azaldu moduan, lanen ardura duen UTE Mekolade enpresak 180 egun natural, sei hilabete, izango ditu bidegurutze berria bukatzeko. Hortaz, epe guztiak betetzen badira, lotunea azarorako bukatua egongo da.