Burgosko itzulia izan da taldearen azken txapelketa. 1994tik, Euskadi Txirrindulari Elkarteak 73 euskal edo Euskal Herrian hazitako txirrindulariri eman die profesional izateko aukera, eta 181 garaipen eskuratu ditu. Une honetatik aurrera, formakuntza lanarekin jarraituko du Euskadik, orain baina, afizionatu mailan.
Zaleek eta txirrindulari profesionalek tristuraz hartu dute jakina zen agur hau, tartean, bertako txirrindularia zen Mikel Aristi bergararra. Denboraldia oraindik ez da amaitu eta Aristik barruan duen artegatasuna alde batera utzi eta falta zaizkion konpromisoetan zentratu beharra dauka.Bergarakoak bere etorkizuna airean duen arren, bizikleta gainean jarraitzeko asmoa dauka.