Antxintxiketan taldekoek 10.000 metroko ibilaldia zehaztu dute, eta distantzia horren gaineko Euskal Herriko kros txapelketa izango da azaroaren 3koa. Distantzia bera egingo dute patinetan, bizikleta gainean etzanda doazenak (hand bike) eta gurpil-aulkietan doazenak.
Soraluze-Bergara krosaren zortzigarren edizioa erronka berri bat izango da antolatzaileendako. 10 kilometroko proba ofiziala izanik parte-hartzea mugatu egin beharko dute: gehienez 700 korrikalari onartuko dituzte. Urrian zabalduko dute izena emateko epea.
Gazteendako ibilbidea
Gaztetxoenen artean atletismoa bultzatzeko, 8-12 urte artekoendako lasterketak egingo dituzte erdi guneko zirkuito batean, orain arte egin izan dute moduan.
Behobia-Donostiaren atarian
2005ean egin zuten lehen Soraluze-Bergara krosa. Behobia-Donostiaren aurreko aste bukaeran egiten da. Askok 21 kilometroko lasterketa herrikoia prestatzeko erabili izan dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
