Orain dela 20 bat urte ezagutu zuten elkar; orain, euren ahotsak batu dituzte emanaldietan.
Mikel Markez bakarlaria
Errenteriarra 16 urterekin hasi zen gitarra jotzen eta kantuak sortzen. Lehenengo diskoa hiru urte geroago grabatu zuen. Rocka eta folka modan zeudenean gitarra hutsarekin hasi zen Markez, aspaldiko bakarlarien moduan, eta berehala konektatu zuen ikusle gazteekin.
2008an Zure begiek, bilduma argitaratu zuen, azken 20 urteetako bere musika jasotzeko.
Martikorena artzaina
Askoren ustez, Euskal Herriko ahotsik ederrenetakoa da. Ofizioz laboraria eta artzaina da Martikorena; horregatik, haren kantuak oso lotuta egon dira lurrarekin eta herriarekin.
2004an erretiroa hartuko zuela iragarri bazuen ere, oraindik taula gainean dabil baxenabartarra.
Hitzordua domekan izango da, 19:00etan. Sarrera, 5 euro.