Hitzaldi, solasaldi eta emanaldietan gaur egungo gizarte antolakuntza ekonomikoari kritika egiten diote.
Jardunaldietan krisi desberdinak jorratuko dituzte: energetikoa, ekonomikoa eta ekologikoa. Antolatzaileen ustez, hiru krisiak lotuta daude eta horiei batera aurre egin behar zaiela uste dute.
Jardunaldi horiek hasteko, atzo, Pedro Prieto ingeniariak ‘Krisi Energetikoa: Petrolio merkearen ostean, zer?’ hitzaldia eskaini zuen, Aroztegi aretoan. Bertan, petrolioaren produkzio gorenera iritsi garela edo iristear garela nabarmendu zuen eta hori gertatzerakoan hazkuntza ekonomikoa ezinezkoa izango dela azaldu zuen.