San Martzial Agirre (1840-1900) Gipuzkoako XIX. mendeko eskultore onenetakoa izan zen, eta ofizioa arlo artistikotik sakon eta ondo landu zuen. Aldundiak diruz lagunduta, Erroman ikasi zuen bergararrak; eta Gipuzkoara bueltatzean, Donostia izan zuen lan lekua.
Berak egindakoak dira, besteak beste, Bergarako Epaitegiko fatxada nagusiko 'Justizia' eskultura lana, Mutrikuko 'Churruca' eta Donostiako Victoria Eugenia antzokiaren eta Maria Kristina hotelaren artean dagoen 'Oquendo' lanak.
Egileek azaldu dutenez, liburua da 2001. urtean hasitako lan-proiektu baten ondorioa: Martzial Agirreren bizitza eta haren obrari buruzko hainbat arlo argitzen ditu kontakizunak. Bergarako Udalak argitaratutakoa da eta Kutxaren laguntza ere jaso du liburuak.