Fernando Bernuesekin batera kameraren atzan jarri eta "Kutxidazu bidea, Ixabel" eleberriaren zinemarako egokitzapenaegingo du Mireia Gabilondo aktore eta zuzendari bergararrak.
Filma euskaraz filmatuko da datorren urteko udan. Mireiak Berrigara aldizkariari egindako adierazpenetan esan du orain produkzio aurreko lanetan dihardutela eta zehaztu gabe daudela aktoreak eta filmaketa tokiak.
Aktore
Zuzendari lanetan ez ezik Mireia Gabilondo aktore modura ere ikusiko dugu seguru aski film honetan. "Aldaketarik ezean Ixabelen ahizparen papera jokatuko dut", esan dio Mireiak Berrigarari.
Telebistan
Pantaila handian bakarrik ez, telebistan ere ikusi ahal izango da Kutxidazu bidea, Ixabel lana. ETBrako sei atal grabatuko dituzte.
Gaur egun, Mireia Gabilondok ETBko "Martin" telesailean dihardu aktore lanetan eta bertarako gidoiak ere egiten ditu.