Martitzenean ateko markoa hondatuta zegoela konturatu ziren elkarteko kide batzuk, baina besterik ez zuten sumatu. Eguaztenean, ordea, Masterreka aldera ematen duen leiho bat apurtuta zegoela konturatu ziren eta lapurrak ustez bertatik sartu ziren.
Segurtasun kutxa
Elkarte barruan armairu bat indarrez apurtu ei dute lapurrek, segurtasun kutxa dagoen armairua, hain zuzen ere. Baina ez omen dute kutxa zabaltzerik lortu.
Artatsekoek beste elkarteetako jendeari eta herriko merkatari zein bergararrei kontuz ibiltzeko esan nahi diete. Oraindik ez baitakite zein izan diren lapurretan saiatu direnak.