Bergarako Udalak erregetxo plazan duen eraikinean bildu dute janari guztia. Arrasaten ez bezala, Bergaran uste dute iaz beste jaso dutela aurten. Iaz 5´5 tona janari batu zuten. Astelehenerako izango dute guztia prest eta Donostiara bidaliko dute.
Dirua ere batu dute errefuxiatuen alde
Arroza, pasta, lekaleak, eta beste zenbait janari batu dute. Dirua ere batu dute. Iaz ia 3.000 euro jaso zuten Saharako errefuxiatuen aldeko kanpainan, eta aurten ere beste horrenbeste jasotzeko itxaropena dute.
Herriko hainbat elkartek esku hartu dute kanpainan, baita ikastola eta eskolak ere. Dendek ere eman diote babesa kanpainari eta denda horietan izan dute aukera bergararrek janaria uzteko.
Apirilean bidaia Saharara
Gipuzkoan batutako janari guztia otsailaren lehenengo astean eramango dute Saharako kanpamentuetara. Bigarren eskuko kamioiak erosiko dituzte eta sindikatuetako kamio gidari boluntarioek eramango dituzte kamioiak mugaraino. Gero, kamioiak bertan uzteko. Astebeteko bidaia izango da, eta Fronte Polisarioko kideak arduratuko dira gero banaketaz. Apirilean, berriz, Bergarako eta estatuko beste zenbait tokitako ordezkariak joango dira Saharara. Apirilaren 7an hasiko da bisitaldia eta 11ra arte izango dira bertan. Bergaratik Komite internazionalistak taldekoak joango dira Saharara.